Ucar Rayon Mərkəzi Xəstəxanasında növbəti könüllü qanvermə aksiyası keçirilib.

 

Xəstəxanadan Aztibb.az-a bildirilib ki, Mərkəzi Qan Bankının əməkdaşları tərəfindən həyata keçirilən bu aksiya talassemiya və hemofiliyalı xəstəliklərindən əziyyət çəkən insanlara kömək göstərmək, onlara dəstək olmaq məqsədi daşıyır. Xüsusən də, bu aksiya uşaqlara yardım etmək və onlar üçün tədarük olunan qan ehtiyyatını artırmağa dəstək olur. Mərkəzi Qan Bankının tibb briqadasının həkim hemotoloqları tərəfindən donorların sağlamlıq vəziyyəti yoxlanıldıqdan sonra onlardan qan götürülüb.

 

Aksiyada iştirak edənlər sağlamlığın qorunması üçün qan verməkdən məmnun olduqlarını bildiriblər.

 

Qeyd edək ki, ölkəmizin paytaxtında və regionlarda mütamadi olaraq, qan donorluğunun təşviqi və təmənnasız qanvermə aksiyaları keçirilir.