Səhiyyə Nazirliyi Elmi-Tədqiqat Mamalıq və Ginekologiya İnstitutunda (ETMGİ) hamiləliyin 36-cı həftəsində 3480 qram çəkidə dünyaya gələn qadın cinsli körpə vəziyyəti ilə əlaqədar Yenidoğulmuşların reanimasiya və intensiv terapiyası şöbəsinə köçürülüb.

İnstitutdan Aztibb.az-a verilən xəbərə görə, həkim-neonatoloq Günel Xəlilovanın nəzarətində olan yenidoğulmuşa tənəffüs problemi, başında ikinci dərəcəli qansızma, aşağı təzyiq, pulmonar hipertenziya diaqnozları ilə bağlı müalicə planı təyin olunub.

15 günlük müalicə zamanı CPAP dəstəyində və ağciyərləri süni ventilyasiya aparatında olan körpə həkim və tibbi heyətin nəzarəti ilə ağır vəziyyətdən çıxarılıb. O, sağlam şəkildə evə yola salınıb.