TƏBİB tabeliyində fəaliyyət göstərən Yeni Klinikanın rəsmi tərəfdaşlığı, Medical Media, GV Medikal, World Karyera və Peşə Mərkəzinin birgə təşkilatçılığı ilə "Sağlam qadın - sağlam körpə" adlı maarifləndirici tədbir keçirilib.

Bu barədə Aztibb.az Yeni Klinikanın feysbuk səhifəsinə istinadla xəbər verir.

Tədbirdə Millət Vəkili, Milli Məclisin Səhiyyə Komitəsinin üzvü Müşfiq Məmmədli, Yeni Klinikanın direktor müavini, Reproduktiv sağlamlıq və ailə planlaması mərkəzinin rəhbəri Gülnar Nuriyeva, xanım sahibkarlar, gənc tibb mütəxəssisləri və yeni ailə həyatı quran cütlüklər iştirak ediblər.

Tədbirdə həkim mütəxəssislər tərəfindən sonsuzluq, hamiləlik, bir sıra ginekoloji problemlərlə bağlı müxtəlif mövzularda çıxışlar olub.

Son dövrlərdə qadınların səhhətində özünü bariz göstərən bəzi xəstəliklərin sayının artması, bəzi xəstəliklərin isə yaşının cavanlaşması prosesinin sürətli vüsət almasından bəhs edən spikerlər, bu problemlərin qarşısının alınmasında maarifləndirici tədbirlərin əhəmiyyətini vurğulayıb.