Körpə birdən-birə isterikaya qapılır? Uşaq bağçaya getməkdən boyun qaçırır? Məktəbli öz yoldaşlarıyla ünsiyyət qura bilmir? Ailə həyatında bu kimi çoxsaylı problemlərlə rastlaşırıq.
Aztibb.az tibb və sağlamlığa dair dəyərli kitabları oxucularına tövsiyə edir.
İki tanınmış psixoloqun birlikdə yazdığı bu kitabda uşaqların şıltaqlığı beyin “böyüməsi”nin mərhələləriylə izah olunur.
Kitabda emosional və intellektual inkişaf üçün 12 inqilabi tərbiyə strategiyası təqdim edilir. Valideynlər bu kitab vasitəsilə sadə və anlaşıqlı bir dildə beynin necə işlədiyini öyrənə və uşaqlara başa sala bilərlər.
Nəticə tezliklə özünü göstərəcək. Balacalar özlərini daha yaxşı anlayacaq, davranışlarını tənzimləyəcəklər.
Kitab “Qanun” nəşriyyatı tərəfindən Azərbaycan dilində çap edilib.