“Həkimlərimizi tanıyaq!" rubrikamızda bu dəfə Gəncə Şəhər Birləşmiş Xəstəxanasının nəzdində fəaliyyət göstərən Abbas Səhhət adına xəstəxananın mama-ginekoloqu Yeganə Verdiyevanı təqdim edirik.

O, 29 noyabr 1980-ci ildə Rusiyanın paytaxtı Moskva şəhərində anadan olub. 1997-2004-cü illərdə Rusiyanın Sankt-Peterburq şəhərindəki Sankt Peterburq Dövlət Pediatriya Tibb Akademiyasında ali təhsil, 2006-2008-ci illərdə həmin tibb universitetində ordinatura təhsilini alıb.

Y.Səmədova 2008-ci ildə Gəncə şəhərində ginekoloq kimi çalışmağa başlayıb. Daha sonra fəaliyyətini süni mayalanma üzrə Bakıdakı özəl xəstəxanaların birində davam etdirib. 2020-2022-ci illərdə Yeni Gəncə Tibb Mərkəzində mama-ginekoloq kimi çalışan və bütün ginekoloji əməliyyatları icra edən Yeganə Verdiyeva hazırda fəaliyyətini Abbas Səhhət adına xəstəxanada davam etdirir.