Abşeron Rayon Mərkəzi Xəstəxanasının “Dövlət Proqramı” çərçivəsində fəaliyyət göstərən, müasir standartlara cavab verən Hemodializ şöbəsi “Fresenius 4008 S”, “Gambro AK 98” markalı müasir tipli süni böyrək aparatı ilə təchiz olunub.
Aztibb.az bu barədə TƏBİB-in rəsmi feysbuk səhifəsinə istinadla xəbər verir.
Tibb müəssisəsində günlük 3 növbə olmaqla, 27 hemodializ seansı aparılır. Hər pasiyent üçün seans müddəti 4 saatı əhatə edir.
Şöbə xəstəbaşı monitor, EKQ aparatı, süni tənəffüs aparatı və hər çarpayı üçün ayrıca çıxışı olan mərkəzləşdirilmiş oksigen xətti, yemək masası ilə təchiz olunub.
Ağır reanimasyon xəstələrdə hemodializ seansları aparmaq üçün bütün imkanlar yaradılıb. Prosedurun uzunmüddətli olmasını nəzərə alaraq rəhbərliyin təşəbbüsü ilə hər xəstə üçün monitorlar quraşdırılıb.
Seans müddətində xəstələr komfortlu şəraitdə qayğıkeş personalın xidməti ilə özlərini evindəki kimi hiss edirlər.
