Zəfər Günü ilə əlaqədar Mərkəzi Neftçilər Xəstəxanasında şəhid ailələri və müharibə iştirakçıları ilə görüş keçirilib. Tədbirdə Mərkəzi Neftçilər Xəstəxanasının direktoru Musa Abbasov və əməkdaşları iştirak ediblər.

Bu məlumat Aztibb.az-a Xəstəxanadan verilib.

I Qarabağ Müharibəsi iştirakçısı, direktor Musa Abbasov tədbirdə çıxış edərək Zəfər Günü münasibətilə kollektivi təbrik edib. Ali Baş Komandan İlham Əliyevin rəhbərliyi altında Azərbaycan Ordusunun 44 günlük Vətən müharibəsində qazandığı tarixi qələbədən danışıb. O, həmçinin Vətən müharibəsində qələbənin qazanılmasında Mərkəzi Neftçilər Xəstəxanasının kollektivinin də əməyini qeyd edib.

Daha sonra şəhid ailələri və müharibə iştirakçılarının çıxışları dinlənilib. Şəhid ailəsi üzvü Pərizad Baxşəliyeva onlara göstərilən diqqət və qayğıya görə ölkə başçısı cənab İlham Əliyevə, Birinci Vitse-Prezident Mehriban xanım Əliyevaya minnətdarlıqlarını ifadə edib.