Naxçıvan Muxtar Respublikası Səhiyyə nazirinin birinci müavini, nazir vəzifələrini icra edən Samiq Sadıxov Ege Universitetinin rektoru, prof. Necdet Budakla görüşüb.

Nazirlikdən Aztibb.az-a bildirilib ki, universitetin sağlıq sahəsində fəaliyyət göstərən akademik bölmələrinin rəhbərlərinin də iştirak etdiyi görüşdə birgə əməkdaşlıq layihələri dəyərləndirilib.

Naxçıvan Muxtar Respublikası Səhiyyə Nazirliyinə tabe xəstəxanaların Ege Universitetinin Eğitim və Araşdırma Xəstəxanası ilə əməkdaşlığına dair razılığa gəlinib.

Görüş əməkdaşlıq sahələrinin müzakirəsindən sonra hədiyyələrin təqdim olunması ilə başa çatıb.