TƏBİB-in Tibbi xidmətlərin təşkili departamentinin Ana və uşaq sağlamlığı şöbəsinin təşəbbüsü ilə Respublika Perinatal Mərkəzində ilk dəfə “Qastroşizis” diaqnozlu yenidoğulmuşa “Qasrtoşizisin təmiri” əməliyyatı uğurla icra edilib.

Aztibb.az-a TƏBİB-dən bildirilib ki, uşaq qeysəriyyə yolu ilə vaxtından əvvəl – 36 həftəliyində 2,6 kiloqram çəki ilə dünyaya gəlib.

2 saat davam edən əməliyyat Nizami Tibb Mərkəzinin uzman uşaq cərrahı Cavid Nağıyev və reanimatoloq-anestezioloq Sərxan Əliyev tərəfindın icra olunub.

Qeyd edək ki, “Qastroşizis” nadir neonatal xəstəlik hesab olunur və inkişaf qüsurudur. Qarının ön divarında, göbək ətrafında əzələ qatı bətn daxilindən defektiv olduğundan, bağırsaqlar qarın boşluğunda deyil, xaricdə olur. Qastroşizisin cərrahiyyə əməliyyatı olduqca mürəkkəbdir.

Eyni zamanda, bu xəstələrə əməliyyatdan sonrakı dövrdə peşəkar neonatal xidmət tələb olunur.

Əməliyyat olunan yenidoğulmuşun Respublika Perinatal Mərkəzində müalicəsi davam etdirilir. Süni tənəffüs aparatında izlənilir.