Mərkəzdən Aztibb.az-a verilən xəbərə görə, direktor müavini İlahə Şükürovanın, müvafiq şöbə və bölmə rəhbərlərinin də qatıldığı görüşdə Doğum Evinin rəhbəri-direktor müavini Səadət Şamilova tibb müəssisəsinin fəaliyyəti haqqında rəhbərliyə məlumat verib.

 

Səadət Şamilova tibbi xidmətin keyfiyyətinin artırılması istiqamətində mərkəz tərəfindən görülən işlərdən də danışıb.

 

Sabunçu Tibb Mərkəzinin direktoru Nurəngiz Bəşirova tibb müəssisələrinin yeni müasir tibbi avadanlıqlarla təchiz edilməsi ilə bağlı TƏBİB rəhbərliyi tərəfindən həyata keçirilən addımları kollektivin diqqətinə çatdırıb. Direktor, həmçinin kadr potensialının gücləndirilməsinin, tibb personalının peşəkarlığının artırılmasının vacibliyini vurğulayıb.

 

N.Bəşirova çıxışında pasiyent məmnunluğunun ən vacib şərtlərdən biri olduğunu qeyd edib və tibbi heyətin göstərdiyi xidmətləri yüksək dəyərləndirib.

 

Sonda tibbi personalı maraqlandıran suallar cavablandırılıb.