Naxçıvan Muxtar Respublikası Səhiyyə Nazirliyində Müzəffər Ali Baş Komandan İlham Əliyevin respublikamıza rəhbərliyinin 20-ci ili münasibətilə tədbir keçirilib.

Bu barədə Aztibb.az-a Naxçıvan Səhiyyə Nazirliyindən xəbər verilib.

Açılış nitqi ilə çıxış edən Naxçıvan Muxtar Respublikası Səhiyyə Nazirinin birinci müavini, nazir vəzifələrini icra edən Samiq Sadıxov nazirliyin əməkdaşlarını bu əlamətdar gun münasibətilə təbrik edib. Qeyd edib ki, cənab İlham Əliyev ötən 20 ildə hər bir azərbaycanlının prezidenti, lideri olmağı bacarmış dövlət başçısıdır.

Vurğulanıb ki, ölkəmizin bütün sahələrdə inkişafı, tərəqqisi, dünya dövlətləri sırasında özünə layiqli yer tutması cənab Prezidentin yorulmaz əməyinin hər birimizə qürur yaşadan məhsuludur. Bu gün hər bir azərbaycanlı əmindir ki, Azərbaycan qarşıdakı illərdə daha böyük nailiyyətlərə imza atacaq, dünyanın sayılıb-seçilən dövlətləri arasında öz yerini daha da möhkəmləndirəcək.

Diqqətə çatdırılıb ki, biz də ölkəmizin bu dinamik inkişaf dövründə səhiyyə sahəsində yorulmaz fəaliyyətimizlə öz sözümüzü deməli, muxtar respublikada keyfiyyətli tibbi xidmətin təşkili istiqamətində lazımi butün təbdirləri həyata keçirməliyik.

Təbdirdə söz alan nazirliyin əməkdaşları ötən 20 ildə ölkəmizdə bütün sahələrdə yüksək inkişaf yolu keçildiyini, Prezident İlham Əliyevin siyasi fəaliyyəti sayəsində bu gün hər bir azərbaycanlının qürur yaşadığını, gələcəyə daha nikbin, ümidli baxdığını vurğulayıblar.