Dölyanı mayenin vaxtından əvvəl axması, bətndaxili inkişaf ləngiməsi ilə hamiləliyin 30-cu həftəsində Səhiyyə Nazirliyi Elmi-Tədqiqat Mamalıq və Ginekologiya İnstitutunda vaxtından əvvəl dünyaya gələn uşaq bir aylıq müalicədən sonra evə yazılıb.

Bu barədə Aztibb.az-a Elmi-Tədqiqat Mamalıq və Ginekologiya İnstitutundan məlumat verilib.

Bildirilib ki, 1200 qram çəkidə doğulan körpə vəziyyəti ilə əlaqədar dərhal Yenidoğulmuşların reanimasiya və intensiv terapiyası şöbəsinə köçürülüb. Həkim-neonatoloq Şəbnəm Yusifzadənin nəzarəti altında olan yenidoğulmuşa stasionar müalicə planı təyin olunub.

Aparılan düzgün müayinə və müalicələrdən sonra körpə ailəsi ilə birlikdə evə yola salınıb.