Naxçıvan Muxtar Respublikası Səhiyyə nazirinin birinci müavini, nazir vəzifələrini icra edən Samiq Sadıxov 2023-2024-cü il üçün rezidentura təhsil pilləsinə qəbul olmuş həkim-rezidetlərlə görüşüb.
Bu barədə Aztibb.az-a Naxçıvan Səhiyyə Nazirliyindən bildirilib.
Rezidentlərin hər biri ilə ayrılıqda tanış olan Samiq Sadıxov öncə onları təbrik edib, onların yüksək ixtisaslı həkim kimi yetişməsi üçün yaradılan imkanlar, gələcək layihələr haqqında məlumat verib.
Daha sonra rezidentlərin elmi istiqamətlə yanaşı, kliniki yönümdən də yetişdirilməsi, rotasiyaların tənzimlənməsi və digər məsələlərə toxunulub. Rezidentlərin təklifləri, problemləri dinlənilib, qarşılıqlı fikir mübadiləsi aparılıb.
Rezidentlər müvafiq xəstəxanalara təhkim olunub, kuratorların təyini planlaşdırılıb.
