Tibbi Ərazi Bölmələrini İdarəetmə Birliyi (TƏBİB) və Avropa Yenidənqurma və İnkişaf Bankının (AYİB) nümayəndələri arasında görüş keçirilib.

 

TƏBİB-dən Aztibb.az-a bildirilib ki, görüşdə qurumun İcraçı direktorunun müavini Araz Nəsirov, Beynəlxalq əməkdaşlıq departamentinin rəhbəri Ramin Ağayev, Strateji təhlil və inkişaf departamentinin rəhbəri Murad Mirzəyev, AYİB-baş bankiri Yelena Qordeyeva, AYİB-in Bakı nümayəndəliyinin aparıcı bankiri Real Hacıyev və digərləri iştirak ediblər.

 

İcraçı direktorun müavini Araz Nəsirov qonaqlara TƏBİB-in fəaliyyəti barədə, eyni zamanda tibb müəssisələrində xidmət keyfiyyətinin artırılması istiqamətində görülən işlər barədə məlumat verib.

 

AYİB-in baş bankiri Yelena Qordeyeva Bankın ölkəmizlə səmərəli və uzunmüddətli əməkdaşlığını qeyd edib və qurumun bundan sonra da Azərbaycanda ayrı-ayrı sahələrini, o cümlədən tibb sahəsini dəstəkləməyə hazır olduğunu diqqətə çatdırıb.

 

Görüşdə maliyyə qurumu ilə TƏBİB arasında əməkdaşlıq imkanlarının perspektivi ətrafında geniş müzakirələr aparılıb.