Sentyabrın 28-i Ümumdünya Quduzluq Xəstəliyi ilə Mübarizə Günüdür.

 

Aztibb.az xəbər verir ki, virus xəstə heyvanların tüpürcəyi ilə ifraz olunduğundan daha çox quduz heyvanların dişləməsi nəticəsində baş verir.

 

İnsanlarda quduzluq xəstəliyinə yoluxma hidrofobiya (sudan qorxma), fotofobiya (işıqdan qorxma), psixonevroloji pozulmalar, udqunma aktının pozulması, yüksək hərarət və digər kliniki əlamətlərlə özünü büruzə verir.

Heyvan dişləməsinə, cırmaqlamasına və ya zədələnmiş dərinin yalanmasına məruz qaldıqda ilk olaraq yaranı və ya tamlığı pozulmuş dərini sabun, çoxlu təmiz su ilə yumaq lazımdır. Təcili olaraq həkimə (yaxşı olar infeksionistə) müraciət edilməlidir.

 

Xəstəlikdən qorunmaq üçün ev heyvanlarını (it və pişik) quduzluğa qarşı peyvəndləməli, sahibsiz (küçə) it və pişiklərlə birbaşa təmas qurulmamalıdır.

 

Sahibsiz heyvanların sayının artması və onlara zəruri qayğının göstərilməməsi, xüsusilə küçə it və pişiklərinin vaxtında sterilizasiya edilməməsi, habelə peyvəndlənməməsi bir çox ekoloji, sanitar və səhiyyə problemlərinin yaranması ilə nəticələnir. Elə bu səbəbdən də heyvanlar sterilizasiya, peyvəndləmə, baytar qayğısı, sahibləndirmə, sığınacaq və s. ilə yanaşı, humanist rəftarla da əhatə olunmalıdır.