Mərkəzi Klinikada 3 gün əvvəl həyata keçirdiyimiz böyrək köçürülməsilə daha bir xəstəmiz sağlamlığına qovuşdu.

 

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov feysbuk səhifəsində məlumat paylaşıb.

 

Məlumatda deyilir: "Revmatoloji bir xəstəlik səbəbilə xroniki böyrək çatışmazlığı yaranan və həftədə 3 dəfə dializ alan xəstə xalası oğlunun bağışladığı böyrəklə yenidən həyata qayıtdı. Bugünkü analiz nəticələrində xəstəmizin kreatin dəyərlərinin tam normala gəldiyini gördük. Donorumuzu bu gün, xəstəmizi isə bir neçə gün sonra evə göndərməyi planlayırıq. Sonda bu əməliyyatda əziyyəti keçən hər kəsə təkrar təşəkkür edirəm".