“Könüllü TƏBİB” layihəsi çərçivəsində tibb sahəsində təhsil alan tələbələrin Akademik M.Ə.Mirqasımov adına Respublika Klinik Xəstəxanasında fəaliyyəti uğurla başa çatıb.

Bu barədə Aztibb.az Xəstəxananın feysbuk səhifəsinə istinadla xəbər verir.

Qeyd olunub ki, cari ilin may ayında “Könüllü TƏBİB” layihəsi çərçivəsində tibb sahəsində təhsil alan tələbələr Tibbi Ərazi Bölmələrini İdarəetmə Birliyinin (TƏBİB) tabeliyindəki tibb müəssisələrində könüllü işə cəlb olundular.

Layihənin məqsədi tibb sahəsində könüllülük fəaliyyətini inkişaf etdirmək,gənclərin erkən əmək fəaliyyətinə cəlb olunması nəticəsində klinik bacarıqlarının yüksəlməsi, tibb müəssisələrinə öncədən adaptasiyası, icbari tibbi sığorta sistemi və tətbiqini öyrənməkdir.