Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Ağdaş Rayon Mərkəzi Xəstəxanasının həkim-cərrahı Çələbi Osman oğlu Osmanov haqqında məlumatları diqqətə çatdırırıq.
O, 1958-ci ildə Ağdaş rayon Pirkəkə kəndində anadan olub. 1982-1988-ci illər ərzində Azərbaycan Tibb Universitetinin Müalicə-profilaktika fakültəsində təhsil alıb. 1988-1989-cu illərdə Sumqayıt şəhər xəstəxanasında Cərrahiyyə üzrə internatura keçib.
Çələbi Osmanov 1990-1993-cü illərdə Trestin tibbi sanitariya hissəsində həkim-cərrah, 1993-1994-cü illərdə Ağdaş MRX-nın Anesteziologiya-reanimasiya şöbəsində həkim anestezioloq-reanimatoloq, 1994-1998-ci illərdə Ağdaş MRX-nın Poliklinika şöbəsində həkim-onkoloq, 1998-2000-ci ildə uşaq poliklinikasında həkim-cərrah, 2000-2018-ci illərdə isə Ağdaş MRX-nın Cərrahiyyə şöbəsində həkim-cərrah vəzifələrində çalışıb. O, 2018-ci ildən Cərrahiyyə şöbəsinin Əməliyyat bölməsinin müdiridir.
