Bir çox ölkələrdə, eləcə də Türkiyədə könüllülər üzərində sınaqdan keçirilən Çinin "Sinovac Biotech" dərman şirkətinin hazırladığı "CoronaVac" adlı peyvənd müsbət nəticələr verib.

Medimagazin.com.tr xəbər verir ki, peyvəndin insanlar üzərində uğurlu sınaqları ilə bağlı ölkə ictimaiyyətlərində paylaşımlar edilib.

Braziliyanın mühüm biotibb araşdırma mərkəzlərindən biri olan Butantan İnstitutu "CoronaVac"-ın istifadəsinin təhlükəsiz olduğunu bəyan edib.

Butantan İnstitutunun direktoru Dimas Covas bildirib ki, sözügedən peyvənd ölkəsində sınaqdan keçirilib və onun təhlükəsiz olduğu müəyyən edilib. Direktor 13 min nəfərin hamısında sınaqlar tamamlandıqdan sonra vaksinin təsirli olub olmaması ilə bağlı nəticələri paylaşacağını deyib.