"Həkimlərimizi tanıyaq!" rubrikasında söz açacağımız Faiq Hüseynov Neftçala rayonunun sevilən-seçilən həkimlərimizdən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib. 

 

O, 1970-ci ildə Neftçala rayonunun Bankə qəsəbəsində anadan olub. 1988-ci ildə Nəriman Nərimanov adına Azərbaycan Dövlət Tibb İnstitutunun Pediatriya fakültəsinə daxil olub. 1994-cü ildə universiteti həkim-pediatr ixtisası üzrə bitirərək, Neftçala Rayon Mərkəzi Xəstəxanasında internatura keçib.

 

Faiq Hüseynov 1994-cu ildən “Neftçala Rayon Mərkəzi Xəstəxanası” PHŞ-də həkim-pediatr kimi fəaliyyət göstərir. Hal-hazırda Neftçala RMX PHŞ-nin Pediatriya şöbəsinin müdiridir.

 

2003-2004-cü il tarixlərində Azərbaycan Respublikası Silahlı Qüvvələrində hərbi-həkim kimi qulluq edib. Ehtiyatda olan tibb xidməti baş leytenantıdır.