BMT-nin Əhali Fondunun (UNFPA) maliyyə dəstəyi və təşkilatçılığı, "Yeni Klinika"nın və "Impact Agency"nin (Impactagency360) dəstəyi ilə “Azərbaycanda yaşlılar üçün sosial müdafiə xidmətlərinin təkmilləşdirilməsi” layihəsi çərçivəsində yaşlı vətəndaşların fəal və sağlam həyat tərzinə dəstək olmaq məqsədilə "Tibbi peşəkarlarla sağlam həyat tərzi praktikaları" mövzusunda təlim keçirilib.
Bu barədə Aztibb.az-a "Yeni Klinika"dan məlumat verilib.
Təlim müddətində iştirakçılar mütəxəssislər tərəfindən təqdim olunan seanslar vasitəsilə qidalanma, məşq, yuxu rejimi, stressin idarə edilməsi və emosional tarazlıq haqqında məlumatlar əldə ediblər.
Bundan əlavə, iştirakçıların şəxsi məqsədləri və ehtiyacları nəzərə alınmaqla həyat tərzinə dair tövsiyələr təqdim olunub. Sentyabr ayının sonuna qədər davam edəcək “Azərbaycanda yaşlılar üçün sosial müdafiə xidmətlərinin təkmilləşdirilməsi” layihəsi yaşlı insanların sağlam, fəal və inteqrasiya olunmuş həyat tərzinə dəstək vermək məqsədini daşıyır.
Layihə müddətində təşkil ediləcək müxtəlif fəaliyyətlər vasitəsilə yaşlı insanların sosial təminat və səhiyyə xidmətlərinə çıxışı, texnologiyadan istifadə və cəmiyyətdə iştirak kimi mövzularda ehtiyaclarını qarşılamaları üçün yardımçı mühitin yaradılması nəzərdə tutulub.
Qeyd olunan fəaliyyətlər “Azərbaycan üçün neftdənkənar, dayanıqlı, inteqrə olunmuş və gender baxımından inklüziv maliyyə çərçivəsi” layihəsi çərçivəsində icra olunur.