Sumqayıt Tibb Mərkəzi (STM) uşaq bağçalarında mütəmadi olaraq maarifləndirici tədbirlər keçirir. Növbəti belə tədbir 34 nömrəli Körpələr evi-uşaq bağçasında "Profilaktik peyvəndlər" mövzusunda keçirilib.

STM-dən Aztibb.az-a verilən xəbərə görə, 2 nömrəli Ailə Sağlamlıq Mərkəzinin (ASM) ailə həkimi, pediatr Müsənbər Səfərova uşaqlarda profilaktik peyvəndin əhəmiyyəti ilə bağlı valideynlərə ətraflı məlumat verib.

Qarşılıqlı fikir mübadiləsi şəraitində keçən tədbirlərdə valideynləri maraqlandıran suallar cavablandırılıb.

Qeyd edək ki, bu kimi tədbirlərin əsas məqsədi bir çox infeksion xəstəliklərdən qorunmaqda ən effektiv vasitə olan peyvəndlərlə bağlı insanları maarifləndirmək, uşaqların və gələcəyimizin təhlükəsizliyini təmin etməkdir.