Aztibb.az-ın "Həkimlərimizi tanıyaq!" rubrikasında Mingəçevir Şəhər Mərkəzi Xəstəxanasının Təcili və Təxirəsalınmaz Tibbi Yardım Stansiyasının çağırışçı-həkimi Dilrubə Babayeva haqqında məlumatları diqqətə çatdırırıq.
O, 1986-cı ildə Şəki rayonunda anadan olub. 2003-2009-cu illərdə Azərbaycan Tibb Universitetinin Müalicə işi fakültəsində təhsil alıb. 2009-cu ildə Şəki Rayon Mərkəzi Xəstəxanasının Endokrinologiya şöbəsində internatura keçib.
Dilrubə Babayeva 2012-ci ildə Mingəçevir Şəhər Ağciyər Xəstəlikləri Xəstəxanasında həkim kimi əmək fəaliyyətinə başlayıb. 2016-cı ildə Türkiyə Respublikası İstanbul Şişli Hamidiye Etfal Eğitim ve Araştırma Xəstəxanasında Terapiya ixtisası üzrə kurs keçib. 2017-2019-cu illərdə Mingəçevir ŞMX-nın TTTYS-da çağırışçı-həkim işləyib. 2019-cu-ildən etibarən TTTYS-da böyük həkim vəzifəsini icra edir.
