"Həkimlərimizi tanıyaq!” rubrikamızın bugünkü qəhrəmanı peşəkar terapevt, həkimə xas olan davranışları ilə seçilən Əyyub Abbasovdur.
O, 13 iyul 1954-cü ildə Ağdaş rayonunun Orta Ləki kəndində anadan olub. 1971-1977-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 1977-1978-ci illərdə Bakıda 13 saylı tibbi sanitar hissədə internatura keçib.
Əyyub Abbasov 1978-1992-ci illərdə Ağdaş rayon Vərəm xəstəxanasında rentgenoloq, 1992-1997-ci illərdə Ağdaş Rayon Mərkəzi Xəstəxanasının Terapiya şöbəsinin müdiri vəzifələrində çalışıb. 1997-ci ildən “Ağdaş RMX” PHŞ-nin Poliklinika şöbəsində həkim-terapevt kimi fəaliyyət göstərir.
Azərbaycan Respublikası Prezidentinin 18.06.2021 ci-il tarixli Sərəncamı ilə o, “Əməkdar həkim” fəxri adına layiq görülüb.