Bildirilib ki, görüşdə UNICEF-in Azərbaycandakı nümayəndəliyinin əməkdaşları, STM-in direktor müavini İlkin Namazov, Tibb bacıları şöbəsinin rəhbəri Qızılgül Bünyatova, 3 nömrəli ASM-in baş həkim əvəzi Sevinc Ələkbərova, həkimlər və tibb bacıları iştirak ediblər.

 

UNICEF-in Erkən uşaq inkişafı üzrə Milli məsləhətçisi Yelena İsrafilova ilkin səhiyyə xidməti sahəsində qadınlara və uşaqlara göstərilən tibbi xidmətlərin keyfiyyətinin yüksəldilməsi istiqamətində yeni patronaj modeli haqqında ətraflı məlumat verib.

 

Y. İsrafilova “Hamilə qadınlar və erkən yaşlı uşaqlara dair universal proqressiv xidmət modelinin tətbiqinin strateji istiqamətləri üzrə təlimat”dan danışaraq bildirib ki, təlimat ilkin səhiyyə xidməti göstərən tibb işçilərinin fəaliyyətinin gücləndirilməsi ilə erkən yaşlı uşaqların həyat keyfiyyətinin yaxşılaşdırılması, xəstəliklərin, sosial problemlərin erkən aşkarlanması və müvafiq yardımın göstərilməsi nəticəsində xəstələnmə, fəsadlaşma və ölüm hallarının azaldılması məqsədini daşıyır.

 

Sonda auditoriyanı maraqlandıran suallar cavablandırılıb.