Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

 

"Həkimlərimizi tanıyaq!" rubrikamızda söz açacağımız Bəhruz Məmmədov Şuşada sevilən-seçilən həkimlərdən biridir.

 

O, 1988-ci ildə Şuşa şəhərində anadan olub. 2007-2013-cü illərdə Azərbaycan Tibb Universitetində təhsil alıb. 2016-cı ildə özəl klinikada işə başlayıb. 2022-ci ildən etibarən isə Şuşa Rayon Mərkəzi Xəstəxanasında həkim-cərrah vəzifəsində fəaliyyətini davam etdirir.

 

Bəhruz Məmmədov 2013-2015-ci illərdə Moskva şəhərində Akademik B.V.Petrovski adına Rusiya Elmi Cərrahiyyə Mərkəzində Ümumi cərrahiyə üzrə ixtisaslaşıb. Həkim bir çox xarici, yerli konfrans və simpoziumlarda iştirak edib.