Pirallahı Rayon İcra Hakimiyyəti başçısının birinci müavini Vəzir Səfixanov TƏBİB-in tabeliyində fəaliyyət göstərən “Pirallahı Tibb Mərkəzi” PHŞ-də yaradılan şəraitlə tanış olub.

 

Mərkəzdən Aztibb.az-a verilən məlumata görə, tibb müəssisəsinin direktoru Azər Zeynalov V.Səfixanova məlumat verib ki, TƏBİB-in İdarə Heyətinin protokoluna əsasən 10 və 16 nömrəli BŞX Pirallahı Tibb Mərkəzinin strukturuna daxil edilmişdir. Diqqətə çatdırılıb ki, Mərkəzin Poliklinika, Şüa-diaqnostika, Terapiya, Anesteziologiya-reanimatologiya və İntensiv terapiya, Doğum və Ginekologiya, Fizeoterapiya, Yoluxucu xəstəliklər, Uşaq şöbəsi və TTTY şöbələri müasir tipli tibbi avadanlıqlarla təmin olunub.

 

A.Zeynalov qonağa mərkəzdə TƏBİB tərəfindən yaradılmış təminatlar və xidmətlər barədə də geniş məlumat verib.  O, xəstəxanada reallaşdırılan ən son yeniliklərin mütəmadi olaraq ictimaiyyətə çatdırıldığını və vətəndaşların əlçatanlığının təmin olunması məqsədilə əlaqə vasitələrinin mövcudluğunu qeyd edib.

 

Daha sonra V.Səfixanov Mərkəzin şöbələrinə baxış keçirib, burada müalicə alan xəstələrin səhhəti ilə maraqlanıb.

 

Sonda həkim heyəti və müəssisə rəhbərləri ilə söhbətlər aparılıb, təklif və tapşırıqlar verilib.