Özbəkistanın Elmi-Tədqiqat Psixiatriya və Narkologiya İnstitutunun direktoru Aşurov Zarifjon Azərbaycan Respublikası Səhiyyə Nazirliyi Respublika Psixiatriya Xəstəxanası və Respublika Narkoloji Mərkəzində olub.

Bu barədə Aztibb.az-a Səhiyyə Nazirliyindən bildirilib.

Səhiyyə ocaqları ilə tanışlıq zamanı pasiyentlərin ictimai və mənəvi tələbat səviyyəsinin artırılması, yaradılan şərait, göstərilən diqqət və qayğı, sosial yardım proqramları əsasında həyata keçirilən yeniliklər, eyni zamanda xəstələrin cəmiyyətə inteqrasiyası, asudə vaxtlarının səmərəli keçirilməsi ilə bağlı fikir mübadiləsi aparılıb.