Vitamin D uşaqlar və yetişkinlər üçün ən vacib vitaminlər arasında yer alır. Vitamin D əskikliyi həm uşaqlarda, həm də yetişkinlərdə ciddi xəstəliklərə səbəb ola bilər. Yağda həll olan vitaminlər arasında yer alan Vitamin D-nin böyük nisbəti günəş işığında ultrabənövşəyi şüaların təsiri ilə dəridə sintez olunur. Baxmayaraq ki, qida ilə də orqanizmə daxil olur, lakin bu çox az miqdardadır.

Aztibb.az xəbər verir ki, bu barədə Bakı Sağlamlıq Mərkəzinin həkimi, terapevt Azadə İsayeva Vitamin D çatışmazlığı haqqında məlumat verərkən bildirib.

Həkimin sözlərinə görə, yetəri qədər günəşlənməmə və təbii qidalarda az miqdarda Vitamin D olması vitamin D əskikliyinin yaranmasına səbəb olur. Bu zaman yaranan patologiyaları aşağıdakılar kimi sadalaya bilərik:

Osteomalyasiya adlanan yetkinlik dövründə yaranan sümük xəstəliyi
Sümük və əzələ ağrıları ,sümüklərin tez qırılması
Körpələrdə və uşaqlarda əzələlərdə zəiflik və sümük deformasiyasına səbəb olan raxitlik
Sümük metabolizminin inkişaf etməməsi
İmmunitetin yaxşı işləməməsi nəticəsində xəstəliklərlə mübarizənin zəifləməsi
Artıq çəkililik
Yuxu pozğunluqları
Alzeimer xəstəliyinə səbəb yaradır
Günün bütün saatlarında xroniki yorğunluq

"Əgər sizdə də belə hallar müşahidə olunursa, terapevt həkimə müraciət etməyiniz tövsiyyə olunur" - deyə A.İsayeva qeyd edib.