Ağcabədi rayon sakini, 2015-ci il təvəllüdlü Nihad Kərimov velosipeddən yıxıldıqdan sonra yüksək bədən hərarəti, sağ ayağın dizdən yuxarı qızartısı, ödəm, eyni zamanda döş qəfəsində və qarında kəskin ağrılardan şikayələnib. O, Akademik M.Ə. Mirqasımov adına Respublika Klinik Xəstəxanasına gecikdirilmiş ağır vəziyyətdə müraciət edib.

Xəstəxanadan Aztibb.az-a verilən xəbərə görə, xəstəyə lazımi stasionar müalicə göstərildikdən sonra “Sağ diz nahiyyəsindən yuxarı dərin ve səthi venaların tam trombozu və bu tromblara bağlı ağciyərin septik tromboemboliyası“ diaqnozu qoyulub.

Aparılan müalicələr nəticəsində pasiyentin vəziyyəti yaxşılaşaraq evə yazılıb.

Nihad Kərimovun valideynləri oğullarına göstərilən diqqət və qayğıya görə Respublika Klinik Xəstəxanasının direktoru Elviz Qasımova, Uşaq Klinik Xəstəxanasının direktor müavini Rəşad Tağıyevə və uşaqlarının müalicəsində iştirak edən həkim və tibb bacılarına minnətdarlıqlarını bildiriblər.