Aztibb.az-ın "Həkimlərimizi tanıyaq!" rubrikasında Zaqatala Rayon Mərkəzi Xəstəxanasının həkimi Səfiyyə Əfəndiyevanı sizə təqdim edirik.
Səfiyyə İlham qızı Əfəndiyeva 1980-cı ildə Zaqatala rayonunda doğulub. 1997-2003-cü illərdə N.Nərimanov adına Azərbaycan Tibb Universitetində Müalicə işi ixtisası üzrə ali təhsil alıb. 2003-2004-cü illərdə Zaqatala Rayon Mərkəzi Xəstəxanasının Terapiya şöbəsində internatura keçib.
O, 2005-2010-cu illərdə Zaqatalada Yengiyan kənd həkim məntəqəsində məntəqə müdiri, 2010-2012-ci illərdə Əliabad qəsəbə sahə xəstəxanasında ailə həkimi, 2012-2020-ci illərdə Əliabad qəsəbə sahə xəstəxanasında baş həkim vəzifələrində çalışıb. 2020-ci ildən bugünədək Əliabad ASM şöbəsinin müdiri kimi fəaliyyətini davam etdirir.
Mütəmadi olaraq tibbi bilik və bacarıqlarını artırmaq məqsədilə kurs və təlimlərdə iştirak edən həkim bir çox fəxri fərmanlara layiq görülüb.
