"Həkimlərimizi tanıyaq!" rubrikamızda söz açacağımız Tahir Məlikov zəngin iş təcrübəsinə malik peşakar həkimlərimizdən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

Tahir Sarıbala oğlu Məlikov 1957-ci ildə Cəlilabad rayonunun Mirzəli kəndində anadan olub. 1974-cü ildə Nəriman Nərimanov adına Azərbaycan Dövlət Tibb Universitetini I Müalicə profilaktika fakültəsinə qəbul olub. Sonra Rusiyanın Rastov vilayətinin Volqa şəhərində işləyib və 1985-ci ildə Azərbaycana qayıdıb. 

O, Neftçala rayonunda cərrahi fəaliyyətlə məşğul olub. İşlədiyi müddətdə Cərrahiyyə şöbəsinin müdiri, Neftçala Rayon Mərkəzi Xəstəxanasının baş həkim ordinatoru vəzifələrində çalışıb. Hal-hazırda Neftçala RMX PHŞ-nin Cərrahiyyə şöbəsində həkim-ordinator işləyir.