Aztibb.az-ın "Həkimlərimizi tanıyaq!" rubrikasında bu dəfə Qax Rayon Mərkəzi Xəstəxanasının TTY bölməsinin gənc həkimi Sevil Oqtay qızı İsgəndərovadan bəhs edəcəyik.
O, 1990-cı ildə Qax rayonunda doğulub. 2008-ci ildə İ.İ.Meçnikov adına Şimal-Qərb Dövlət Universitetinə qəbul olub, 2014-cü ildə universiteti bitirib.
S.İsgəndərova 2015-ci ildə həkimlərin mərkəzləşdirilmiş işə qəbulu komissiyasına müraciət edib və imtahanlardan uğurla keçərək Qax Rayon Qıpçaq kənd həkim məntəqəsində ailə həkimi vəzifəsinə təyin olunub.
2016-cı ildə Cəlayir kənd həkim məntəqəsində müdir, 2017-ci ildə Tasmalı kənd həkim məntəqəsinin baş həkimi vəzifəsində çalışıb. 2020-ci ildən etibarən isə Qax RMX PHŞ-in TTY bölməsində TTY həkimi kimi fəaliyyət göstərir.
Həkim çoxsaylı seminar və təlimlərdə könüllü olaraq iştirak edib.
