Aztibb.az-ın "Həkimlərimizi tanıyaq!" rubrikasının növbəti qonağı Tovuz Rayon Mərkəzi Xəstəxanasının Keyfiyyətə Nəzarət Komitəsinin rəhbəri Elnur Əliyevdir.
O, 1973-cü ildə Tovuz rayonunda anadan olub. Orta məktəbi “Qızıl medalla “ bitirib. 1991-1997-ci illərdə Azərbaycan Tibb Universitetinin Pediatriya fakültəsində təhsilini qırmızı diplomla başa vurub. 1997-1998-ci illərdə həmin universitetdə Otorinolarinqologiya ixtisası üzrə internatura keçib.
Elnur Əliyev 1999-2009-cu illərdə Tovuz rayon Mülkülü kənd həkim məntəqəsində həkim, 2009-2010-cu illərdə Tovuz RMX-ın Uşaq Poliklinikasında həkim-otolarinqoloq, 2011-2019-cu illərdə Tovuz RMX-nın Diaqnostika bölməsində həkim-otolarinqoloq işləyib. 2020-ci ildən isə Tovuz RMX PHŞ-in Keyfiyyətə Nəzarət Komitəsinin rəhbəri vəzifəsində çalışır.
