Aztibb.az-ın "Həkimlərimizi tanıyaq!" rubrikasında söz açacağımız növbəti həkimimiz yorulamadan, 24 saat əhalinin sağlamlığının keşiyində dayanan Lerik Rayon Mərkəzi Xəstəxanasının Təcili Təxirəsalınmaz Tibbi Yardım şöbəsinin təbiblərindən olan Elşad Şivəxanovdur.
O, 1964-cü ildə Lerik rayonu Dızdipok kəndində anadan olub. 1986-1992 ci illər ərzində N.Nərimanov adına Azərbaycan Dövlət Tibb İnstitutunun Müalicə işi fakültəsində təhsil alıb. 1992-1993-cü illərdə Lənkəran Rayon Mərkəzi Xəstəxanasında terapiya üzrə internatura keçib.
E.Şivəxanov 1995-2010-cu illərdə Lerik Rayonu Veri kənd xəstəxanasında terapevt, 2010-2021-ci illərdə Veri kənd xəstəxanasında ailə həkimi kimi fəaliyyət göstərib. 2022-ci ildən Lerik Rayon Mərkəzi Xəstəxanasının TTTY şöbəsində TTTYS-də təcili və təxirəsalınmaz tibbi yardım üzrə həkim vəzifəsində çalışır.
