“Həkimlərimizi tanıyaq!” rubrikamızda xoş xasiyyəti ilə pasiyentlərin rəğbətini qazanmış Zaqatala Rayon Mərkəzi Xəstəxanasının həkimi Leyla Əfəndiyevadan bəhs edəcəyik.

O, 1972-ci ildə Zaqatala şəhərində doğulub, 1989-1996-ci illərdə N.Nərimanov adına Azərbaycan Tibb Universitetində pediatriya ixtisası üzrə tibbi təhsil alıb.

Leyla Əfəndiyeva 1997-ci ildə Zaqatala Rayon Mərkəzi Xəstəxanasının Doğum evində həkim-neonatoloq kimi fəaliyyətə başlayıb, 2012-ci ildən bugünədək Doğum və ginekologiya şöbəsi, Yenidoğulmuşların intensiv terapiya bölməsinin bölmə müdiri kimi fəaliyyətini davam etdirir.

Həkim mütəmadi olaraq tibbi bilik və bacarıqlarını artırmaq məqsədilə kurslarda, təlimlərdə iştirak edərək bir çox fəxri fərmanlara layiq görülüb.