Gəncə Şəhər Birləşmiş Xəstəxanasının tabeliyindəki Gülüstan Ailə Sağlamlıq Mərkəzi (ASM) 2021-ci ilin əvvəlindən fəaliyyətə başlayıb.

Aztibb.az xəbər verir ki, tibb müəssisəsi təxminən 31430 insana xidmət göstərir.

Hazırda Ailə Sağlamlıq Mərkəzində 20-i həkim, 40-i orta tibb heyəti olmaqla, ümumilikdə 73 tibb personalı çalışır. ASM-in həkim heyəti ailə həkimi-terapevt, ailə həkimi-pediatr, ailə həkimi-ginekoloqlardan ibarətdir. Burada həkimlər tərəfindən müayinə olunmuş xəstələr lazımi instrumental və laborator müayinələrə göndərilir və onlara müalicə təyin edilir. Gülüstan ASM-in şöbə müdiri Heydərli Sevinc Orxan qızıdır.

Məlumat üçün bildirək ki, digər xəstəxanalarda olduğu kimi, burada da xəstəliklərin müayinəsi və müalicəsi ilə bağlı xidmətlər İcbari Tibbi Sığorta üzrə Dövlət Agentliyinin Xidmətlər Zərfində mövcuddur. Bu xidmətlərdən hər bir ölkə vətəndaşı ödənişsiz şəkildə yararlana bilər.