Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Xaçmaz Rayon Mərkəzi Xəstəxanasının travmatoloq-ortopedi, Əməkdar həkim Ağayar Əlövsət oğlu Quliyev haqqında məlumatları diqqətə çatdırırıq.
O, 1944 -cü ildə Quba rayonu Bilgah kəndində anadan olub. 1963-1969-cu illərdə Azərbaycan Dövlət Tibb İnstitutunun Müalicə və profilaktika fakültəsində təhsil alıb. 1969-1971-ci illərdə Ukraynada hərbi həkim, 1971-1977-ci illərdə Quba rayonu Rük kənd Sahə xəstəxanasının baş həkimi vəzifələrində çalışıb.
1977-ci ildə travmatologiya-ortopediya üzrə ixtisasartırma kursu keçib.
Ağayar Quliyev 1977-ci ildən Xaçmaz Rayon Mərkəzi Xəstəxanasında fəaliyyətə başlayıb. 1978-2019-cu illər ərzində Xaçmaz Rayon Mərkəzi Xəstəxanasının Travmatologiya şöbəsinin müdiri vəzifəsində çalışıb. 2019-cu ildən isə Xaçmaz Rayon Mərkəzi Xəstəxanasının Poliklinika şöbəsində travmatoloq-ortoped kimi fəaliyyətini davam etdirir.
