Naxçıvanda səhiyyə müəssisələrində yeni avadanlıqlar verilib.

Aztibb.az-a Naxçıvan Səhiyyə Nazirliyindən verilən xəbərə görə, muxtar respublikada əhalinin sağlamlığının qorunması, tibbi xidmətin keyfiyyətinin artırılması istiqamətində lazımi tədbirlər görülür.

Belə ki, tibb müəssisələrinin müasir avadanlıqlarla təchiz olunması bu işlərin tərkib hissəsi kimi diqqətdə saxlanılır. Bu da əhaliyə göstərilən göstərilən səhiyyə xidmətinin keyfiyyətini daha da yaxşılaşdırır. Bu işlərin davamı olaraq Naxçıvan Diaqnostika-Müalicə Mərkəzində kompüter tomoqrafiya, Əziz Əliyev adına Naxçıvan Muxtar Respublikası Uşaq Xəstəxanasına və Naxçıvan Muxtar Respublika Xəstəxanasında yeni tibbi avadanlıqlar istifadəyə verilib.

İstifadəyə verilən 3 yeni tibbi cihazdan 2-si EXO, 1-isə kompüter tomoqrafiya aparatıdır.