“Qəbələ Rayon Mərkəzi Xəstəxanası” publik hüquqi şəxsdə V.Y.Axundov adına Elmi-Tədqiqat Tibbi Profilaktika İnstitutu tərəfindən "Leyşmaniyoz və yuxarı tənəffüs yollarının xəstəlikləri" mövzusunda seminar təşkil olunub.
Qəbələ Rayon Mərkəzi Xəstəxanasından Aztibb.az-a verilən xəbərə görə, tədbirdə Yoluxucu xəstəliklər Epidemiologiya bölməsinin müdiri Süleyman Məmmədov, Epidemiologiya bölməsinin müdiri, dosent Nəsib Namazov, Yoluxucu Xəstəliklər Klinikasının həkim-infeksionisti Xatirə Aslanova və Protozoozlar bölməsinin müdiri, tibb üzrə fəlsəfə doktoru Fatma Hüseynova çıxış ediblər.
Çıxışlarında leyşmaniyoz və yuxarı tənəffüs yolları xəstəliklərinin törədiciləri, yayılma yolları, klinikası, laborator müayinəsi, müalicəsi və profilaktikasından bəhs olunub.
Sonda seminar iştirakçılarını maraqlandıran suallar cavablandırılıb.