Yevlax Rayon Mərkəzi Xəstəxanasında "Servier" şirkətinin təşkilatçılığı ilə xəstəxananın həkimləri üçün "Hipertoniya: optimal nəzarətə aparan yollar" mövzusunda seminar təşkil olunub.

Aztibb.az-a Xəstəxanadan verilən məlumata görə, tədbirdə tibb üzrə fəlsəfə doktoru Vüqar Abbasov hipertoniya xəstəliyinin ilkin fəsadlarından, 3 mərhələli müalicə üsulu və hipertoniyanın müxtəlif növləri ilə bağl iştirakçılara maarifləndirici məlumatlar verib. Qeyd edib ki, böyük təzyiq və ya kiçik təzyiqdən birinin normadan çox olması hipertoniya kimi qəbul edilir.

V.Abbasov bildirib ki, sağlamlıq mərkəzində qan təzyiqinin ölçülməsində böyük təzyiqin 140 mm.c.s. və ya kiçik təzyiqin 90 mm.c.s.-dan çox olduğu aşkarlanarsa, yüksək təzyiq kimi qəbul edilir. Yəni, böyük və ya kiçik təzyiqdən birinin yüksək olması hipertoniya diaqnozu üçün kifayətdir.

Tədbirin sonunda iştirakçıların sualları cavablandırılıb.