TƏBİB-in tabeliyində fəaliyyət göstərən Cəbrayıl Rayon Mərkəzi Xəstəxanasında yeni təyinat olub.
Xəstəxanadan Aztibb.az-a verilən məlumata görə, Afaq Qəhrəmanova müəssisədə oftalmoloq vəzifəsinə təyin olunub.
Afaq Müzəffər qızı Qəhrəmanova 27 may 1976-cı ildə Sumqayıt şəhərində anadan olub. 1993-1999-cu illərdə Nəriman Nərimanov adına Azərbaycan Tibb İnstitutunda Müalicə işi ixtisası üzrə təhsil alıb. 1999-2000-ci ildə Sumqayıt şəhər Göz xəstəxanasında Həkim oftalmoloq ixtisası üzrə internatura keçib.
O, 2003-2006-cı illərdə Kiyev şəhər Dneprovskiy rayonu 3 saylı poliklinikada həkim oftalmoloq, 2005-2011-ci illərdə Kiyev şəhəri Yanıq mərkəzində neyrooftalmoloq-konsultank, 2006-2008-ci illərdə Kiyev şəhəri "Zreniye" Fyodorov oftalmoloji mərkəzində həkim oftalmoloq, 2009-2011-cı illərdə Kiyev şəhər Dneprovskiy rayonu 3 saylı poliklinikada həkim oftalmoloq, 2008-2011-ci illərdə Lüksoptikada oftalmoloq-optometrist, 2011-2012-ci illərdə Kiyev şəhəri ailə həkimi Rusanovka klinikasında həkim oftalmoloq vəzifələrində çalışıb.
