TƏBİB-in tabeliyindəki Sumqayıt Tibb Mərkəzində (STM) "Yüksək riskli hamiləlik ağırlaşmalarının yaranmasında trombolofiyaların rolu" mövzusunda təlim keçirilib.
STM-dən Aztibb.az-a bildirilib ki, təlimlərin keçirilməsində məqsəd müvafiq sahə mütəxəssislərinin (həkim-mama-ginekoloq, həkim-reanimatoloq və s.) hamilələrdə risk faktorlarının erkən diaqnostikası və müalicəsi istiqamətində bilik-bacarıqlarının təkmilləşdirilməsidir.
TƏBİB-in Ana ölümü və ağırlaşmış doğuş hallarının təhlili üzrə komissiyasının üzvü, t.ü.f.d. Vəfa Qurbanova tərəfindən keçirilən təlimdə ailə sağlamlıq mərkəzlərində və doğum şöbələrində fəaliyyət göstərən həkim-mama-ginekoloqlar, həkim-reanimatoloqlar və həkim-terapevtlər iştirak ediblər.
Sonda təlim iştirakçılarını maraqlandıran suallar cavablandırılıb və iştirakçıların mövzu üzrə bilikləri qiymətləndirilib.