Aztibb.az "Həkimlərimizi tanıyaq!" rubrikası paytaxtda və regionlarda fəaliyyət göstərən həkimlərimizi tanıtmaqda davam edir.

Rubrikada bu dəfə xəstələrin göz nurunun qayğısına qalan həkim, “Qəbələ Rayon Mərkəzi Xəstəxanası” publik hüquqi şəxsin Poliklinika şöbəsinin həkim oftalmoloqu Şirəli Sadiqov haqqında məlumatları təqdim edirik.

O, 1978-ci ildə Neftçala şəhərində anadan olub. 1995-2001-ci illərdə N.Nərimanov adına Azərbaycan Tibb İnstitutunun Müalicə profilaktika fakültəsində təhsil alıb. 2001-2002-ci illərdə Bakı şəhəri 1 saylı Kliniki Xəstəxanada oftalmoloq ixtisası üzrə internatura keçərək həkim oftalmoloq ixtisasına yiyələnib.

Şirəli Sadiqov 2002-2004-cü illərdə Qazax rayonu N saylı hərbi hissədə tibb xidməti baş leytenantı rütbəsi ilə hərbi hissə həkimi, 2004-2006-cı illərdə Neftçala Mərkəzi Xəstəxanasında həkim oftalmoloq vəzifələrində çalışıb. 2011-ci ildən “Qəbələ Rayon Mərkəzi Xəstəxanası” publik hüquqi şəxsdə həkim-oftalmoloq işləyir.