Ağdaş Rayon Mərkəzi Xəstəxanasında Tibbi Şuranın növbəti iclası keçirilib.

 

Rayon Xəstəxanasından Aztibb.az-a bildirilib ki, iclası giriş sözü ilə Ağdaş RMX-nin direktoru Nuru Nuriyev açaraq Tibbi Şuranın gündəliyinə daxil edilmiş mövzular haqqında məlumat verib.

 

Sonra direktorun müavini-baş həkim İntiqam İbrahimov cari ilin 6 ayı ərzində çarpayı fondunun icrası, ərzaq və dərman ləvazimatlarının xərclənməsinin vəziyyəti barədə danışıb.

 

İSX (ASM) şöbəsinin müdiri Nimət Hüseynov Ölüm şəhadətnamələrinin verilməsinin düzgünlüyü, Ağdaş Şəhər ASM bölməsinin müdiri Səbinə Paşayeva və Ailə həkimi-pediatrı Ulduz İbrahimova Yeniyetmələrə göstərilən tibbi xidmətin vəziyyəti, 6 ayda doğuşa yardımın və uşaq əhalisinə göstərilən tibbi xidmətin vəziyyəti, uşaq ölümü və xəstələnmə hallarının azaldılmasına yönəldilmiş tədbirlər haqqında məlumatları iclas iştirakçıların diqqətinə çatdırıblar.

 

Daha sonra Uşaq şöbəsinin müdiri həkim-pediatr Mehriban Məcidli 6 ayda əhaliyə göstərilən ekspertiza xidmətinin vəziyyətindən bəhs edib.

 

İclasın sonunda N.Nuriyev ərizə və şikayətlərə baxılması, 2023-cü ilin cari ayınadək rayon prokurorluğunda özünü öldürmə və özünü öldürməyə cəhd həddinə çatdırma ilə bağlı araşdırılan cinayət işləri və yoxlama materialları üzrə istintaq təcrübəsinə dair təqdimatın müzakirəsini aparıb, bu istiqamətdə öz tapşırıqlarını verib.