Həkim peşəsi ən ali, məsuliyyətli və xeyirxah peşə sahəsidir. Yarandığı gündən bu peşəyə hər zaman böyük hörmət və qiymət verilib. Bu qədim sənəti seçən insan daim fövqəladə vəziyyətlərə hazır olmalı və insanlara yardım etmək hissindən həzz almalıdır. 

 

“Həkimlərimizi tanıyaq!” rubrikamızda təqdim edəcəyimiz belə təbiblərimizdən biri də Mirdaməd Nəbiyevdir.

 

O, 7 iyul 1960-cı ildə Masallı rayonu Şıxlar kəndində anadan olub. 1978-ci ildə N.Nərimanov adına Azərbaycan Dövlət Tibb İnstitunun müalicə-profilaktika fakültəsinə daxil olub, 1985-ci ildə institutu fərqlənmə diplomu ilə bitirib.

 

Mirdaməd Nəbiyev 1985-1989-cü ildə Cəlilabad rayon Ağdaş kəndi, 1989-1995-cı illərdə Qodman kənd həkim ambulatoriyalarının, 1995-2001-ci illərdə Kalinovka (Viləş) kənd xəstəxanasının baş həkimi, 2003-2008-də Masallı Rayon Mərkəzi Xəstəxanasında şöbə müdiri, 2008-2014-cü illərdə Masallı RMX-da baş həkim müavini, 2014-2020-ci illərdə ƏƏSMN-nin Masallı və Yardımlı rayonları üzrə zona TSEK-nın sədri vəzifələrində çalışıb. 2021-ci ilin fevral ayından indiyə kimi Masallı RMX PHŞ-in Hemotologiya və transfuzion kabinetinin müdiridir.

 

Həkim dəfələrlə yerli, beynəlxalq konfrans və simpoziumların iştirakçısı olmuş, sertifikat, fəxri fərman və təşəkkürnamələrə laiq görülmüşdür.