Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

 

"Həkimlərimizi tanıyaq!" rubrikamızda söz açacağımız Camal Abdulhəlimov Kürdəmirin sevilən-seçilən həkimlərindən biridir.

 

O, 1981-ci ildə Kürdəmir rayonu Dəyirmanlı kəndində anadan olub. 1998-2004-cü illərdə Azərbaycan Tibb Universitetinin Müalicə-profilaktika fakültəsində ali təhsil alıb. 2004-2005-ci illərdə 3 saylı şəhər xəstəxanasında həkim-kardioloq vəzifəsi üzrə internatura keçib.

 

Camal Abdulhəlimov 2005-2009-cu ilərdə Kürdəmirin Mollakənd kənd sahə xəstəxanasının baş həkimi vəzifəsində çalışıb. 2009-cu ildən Kürdəmir Rayon Mərkəzi Xəstəxanası publik hüquqi şəxsin Poliklinika şöbəsində həkim-kardioloq vəzifəsində çalışır.

 

Təcrübəli həkim 2013-cü ildə Türkiyədə 3 aylıq exokardioqrafiya kursunda olub. O, səmərəli fəaliyyətinə görə dəfələrlə rayon rəhbərliyi tərəfindən Fəxri fərmanla təltif edilib.