Həkim-endokrinoloq Rəisət Hetayeva bildirib ki, bu xəstəliyin profilaktikası və müalicəsi vaxtında aparılmazsa ciddi fəsadlar törədə bilər. O, dövlət tərəfindən şəkərli diabetlə mübarizə istiqamətində mühüm addımların atıldığını diqqətə çatdırıb.

 

Endokrinoloqun sözlərinə görə, hazırda şəkərli diabet xəstələrinin bütün profilaktiki və digər zəruri müalicə vasitələri və preparatları dövlət vəsaiti hesabına təmin olunur. Bu xəstəlikdən əziyyət çəkən şəxslər mütləq ərazi xəstəxanasına müraciət etməli və şəkərli diabet xəstəsi kimi qeydiyyata düşməlidirlər.

 

“Şəkərli diabetə tutulmuş insanlar uzun müddət, ya da ömrünün sonunadək normal şəkərlərlə dərmansız və fəsadsız yaşaya bilərlər” - deyə Rəisət Hetayeva qeyd edib.

 

Tədbirin sonunda şəkərli diabet xəstələrinə qlükometr aparatları və test lövhələrindən ibarət özünənəzarət vasitələri təqdim olunub və onlara aparatdan düzgün istifadə qaydaları izah olunub.

 

Direktor Dilbər Quliyeva qeyd edib ki, bu cihazlar xəstələrə dövlət hesabına ödənişsiz olaraq təqdim olunur. O, mütəmmadi olaraq xəstəxanada diabet xəstəliyi barədə maarifləndirici tədbirlərin keçirildiyini bildirib.  Vurğulayıb ki, İcbari Tibbi Sığorta bu və bunun kimi tibbi xidmətləri vətəndaşlar üçün əlçatan edir, əhalini sağlamlığı ilə bağlı maliyyə risklərindən qorumaq və səhiyyə sisteminin maliyyələşdirilməsini dayanıqlı iqtisadi əsaslarla təmin edir.