Bildirilib ki, cərrahiyyə əməliyyatı zamanı və sonrakı dövrdə fəsadların yaranma ehtimalının qarşısını almaq üçün yüksək səviyyəli nəzarət – keyfiyyət sistemi yaradılaraq buna daima riayət edilir.

 

Şöbədə 61 tibb personalı fəaliyyət göstərir ki, onlardan da 12-i həkimdir. Şöbə müdiri Əliyev Bəxtiyar İlqar oğludur.

 

Müasir tələblərə cavab verən əməliyyat blokunda isə 2 əməliyyatxana otağı, ayıtlma otaqları istifadəyə verilib. Şöbə müasir standartlara uyğun cərrahiyyə masaları (uroloji və ümumi cərrahiyyə), liqaşur, anestezi cihazı ilə təchiz edilib. Əməliyyat blokunun rəhbəri Mövlayeva Şəlalə Nizami qızıdır.

 

Qeyd edək ki, iyun ayının 25-də İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev, İdarə Heyəti sədrinin müavini Nigar Bayramova və Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanovun iştirakı ilə Gəncə ŞBX-nin tabeliyində olan tibb müəssisələrində yenidən qurulan şöbələrin açılışları həyata keçirilib.