"Həkimlərimizi tanıyaq!" rubrikamızda söz açacağımız Əmir Əsəd oğlu Əsədov zəngin iş təcrübəsinə malik peşakar həkimlərimizdən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

Əmir Əsədov 1959-cu ildə Quba rayonu Buduq kəndində anadan olub. 1977-1983-cü illərdə Azərbaycan Dövlət Tibb İnstitutunun Müalicə və profilaktika fakültəsində təhsil alıb. 1983-1984-cü illərdə Xaçmaz Rayon Mərkəzi Xəstəxanasında internatura keçib.

O, 1984-cü ildə Xaçmaz Rayon Mərkəzi Xəstəxanasında sahə həkimi, terapevt kimi fəaliyyətə başlayıb. 1985-ci ildən Qastroenterologiya şöbəsində həkim-qastroenteroloq, daha sonra şöbə müdiri vəzifələrində çalışıb. 2010-2020-ci illərdə Xaçmaz Rayon Mərkəzi Xəstəxanasının Terapiya şöbəsinin müdiri olub. 2020-ci ildən isə Terapiya şöbəsində həkim-qastroenteroloq kimi fəaliyyətini davam etdirir.